«Путин маған жер мәселесі туындамайтынын айтты» – Тоқаев

Қазақстан Республикасының президенті Қасым-Жомарт Тоқаев Qazaqstan телеарнасына сұхбат берді. Сұхбат барысында «Қаңтар оқиғасына» қатысты сұрақтар қойылып, мемлекет басшысы жауап берді. Сондай-ақ, президент ҰҚШҰ бітімгерлік әскерлерін шақырғаны туралы тарқатып айтып берді.

–  Лаңкестер Алматыны қиратып, басқа қалаларға қауіп төндірді. Талдықорғанда, Таразда, Қызылордада баскөтерулер болды. Олар, тіпті, Ақорданы басып алуды жоспарлаған. ҰҚШҰ әскерлерін шақыру – дұрыс шешім. Олар елімізде бір де бір оқ атқан жоқ. Қалған шаруаны өзіміздің әскерлеріміз атқарды, - деді ол.

Мемлекет басшысы ҰҚШҰ Ресейдің не Путиннің жеке әскері емес, ортақ ұйым екенін айтты. Сондықтан, бұл – ешқандай салдары болмайтын шешім. Сонымен қатар Тоқаев солтүстік облыстар мен жер мәселесі туралы Путинмен өткен әңгімесі туралы айтты.

– Мен Путинмен жеке сөйлестім, ол жер мәселесі туралы ресми деңгейде ешқашан мәселе көтерілмейтінін айтты. Біз Ресеймен саяси-экономикалық тығыз байланысты сақтаймыз, - деді ол.