АҚШ-та «Путин» есімі берілген жолбарыс өлді

АҚШ-та Миннесота хайуанаттар бағында Путин есімді 12 жасар амур жолбарысы медициналық емшара кезінде кенеттен жан тапсырды.

Бүл туралы CBS Minnesota сайты хабарлайды.

Хайуанаттар бағының мәліметінше, емшара кезінде жолбарыстың жүрегі тоқтап қалған.

«Ветеринарлар, мамандар мен зообақ қызметкерлерінің шұғыл әрекетіне қарамастан, оны құтқарып қалу мүмкін болмады» делінген хайуанаттар бағы хабарламасында.

Процедура денсаулыққа профилактикалық тексеру түрінде жүргізілді. Оған асыл тұқымды өсіру үлгілерін алу кіреді. Хайуанаттар бағы үшін Сібір жолбарысы сияқты жойылып бара жатқан түрлерді өсіру мен үлгі жинау өте маңызды.

Жолбарыс Чехияда дүниеге келген және оған Путин есімі берілген. Ол 2015 жылы Миннесотаға келгенге дейін алты жыл Дания хайуанаттар бағында өмір сүрді.