Путин «Крокус Сити Холлға» жасалған шабуылға Украинаның қатысы бар екенін айтты

Ресей президенті Владимир Путин «Крокус Сити Холлға» жасалған шабуылды Украинамен байланыстырды, деп хабарлайды Orda.kz порталы Азаттыққа сілтеме жасай отырып.

Путиннің сөзінше ол лаңкестікті кім жасағанын біледі, алайда тапсырыс берушіні анықтап жатқанын айтты.

Сонымен қатар, Путин шабуыл жасаған лаңкестердің не үшін Украинаға кетіп жатқанын, Киев терроризмнің демеушісі болып көрінгісі келмейтінін де мәлімдеді.

Айта кетейік, 22 наурыз күні  Ресейдегі Красногорск қаласындағы «Крокус Сити Холлда» «Пикник» атты оркестрлік топтың концерті алдында лаңкестік топ шабуыл жасап, салдарынан 139 адам қаза болды.