Путин Ким Чен Ынға көлік сыйлады

Ресей президенті Владимир Путин Солтүстік Корея президенті Ким Чен Ынға көлік сыйлады, деп хабарлайды Orda.kz порталы Кореяның орталық ақпарат агенттігіне сілтеме жасай отырып.

Көліктің маркасы мен үлгісі аталмады.

KCNA хабарлағандай, Ким Чен Ынның сыйлығын 18 ақпан күні Кореяның жұмысшылар партиясы (КЖП) орталық комитеті бөлім меңгерушісінің орынбасары, әпкесі Ким Ё Чжон мен ұйым хатшысы Пак Чон Чхон қабылдап алды.  Ким Ё Чжон «бұл сыйлық екі ел арасындағы ерекше достықтың белгісі» екенін атап өтті және ол Путинге өз алғысын айтты.

Ресей президенті 2023 жылы қыкүйекті Ким Чен Ынға «Шығыс» ғарыш айлағына келгенде Aurus көлігін көрсеткен болатын. Путиннің өзі дәл осы көлікпен келген. Ким Чен Ын көліктің артқы жолаушы орындығына отырып, іші мен сыртын тексерді. Ал Путин көліктің  сипаттамаларын айтып берді.