Путин: Кім біреуді жаман атпен атаса, өзі сол атқа лайық

Владимир Путин Джо Байденнің сұхбатына қатысты пікірін айтты. Сұхбатта Байден Путинді «қанішер» деп санайсыз ба деген сұраққа «иә» деп жауап берген.

Ол «Россия-24» телеарнасы жүргізген трансляция кезінде «жергілікті халыққа геноцид» жасалғанын және Екінші дүниежүзілік соғыстың аяғында Жапония қалаларына атом бомбасын тастаудың «мәнсіз әрекет» болғанын атап өткен.

— Америкалық әріптесімнің мәлімдемесіне келсек, ол айтқандай біздің шынымен де жеке таныстығымыз бар. Оған енді не дейін? Мен оған «деніңіз сау болсын» деп айтар едім, - деді Путин Қырымның Ресейге қосылған бөлігіндегі қоғам өкілдерімен ұйымдастырылған телекөпір кезінде.

Путин әрбір адам өзге адамнан өз бейнесін көреді деп ескерткен.

— Бала кезде аулада бір-бірімізбен дауласып қалған кезде айтушы едік: Кім біреуді жаман атпен атаса, өзі сол атқа лайық, деп. Дегенмен бұл жәй балалар аузындағы мәтел немесе қалжың емес, - деді 68 жастағы саясаткер Владимир Путин.

Ресей Байден сұхбатынан кейін саяси наразылықтың белгісі ретінде Вашингтондағы елшісін кері қайтарған.