Путин қазақстандықтарды Байқоңыр ғарыш айлағының 70 жылдығымен құттықтады

«Дәл 1955 жылы 2 маусымда Кеңес Одағында алғашқы ғарыш айлақ — бірегей зымыран полигонын құру туралы мемлекеттік шешім қабылданды. Ұлы Отан соғысы аяқталғаннан кейін он жыл өткен соң, жан түршігерлік трагедия мен орасан зор шығынға ұшыраған көпұлтты Кеңес халқы қираған қалалар мен елді мекендерді қалпына келтіріп қана қоймай, қуатты экономикалық, технологиялық өсуді қамтамасыз етіп, болашаққа үлкен қадам жасап,  ғарышқа жол ашты. Солай батыл жоспарларды жүзеге асыруға кірісті», — деді Путин өз құттықтауында.

«Дәл осы жерден 1957 жылы Жердің алғашқы жасанды серігі Р-7 зымыраны ұшырылды. Ал 1961 жылы 12 сәуірде Байқоңырдан Юрий Гагарин ғарышқа ұшқан алғашқы адам болды. 1963 жылы алғашқы әйел ғарышкер Валентина Терешкованың ұшуы және 1971 жылы әлемдегі алғашқы «Салют-1» орбиталық станциясының ғарышқа шығуы, 1988 жылы қайта пайдалануға болатын «Буран» кемесінің ұшырылуы — Байқоңыр тарихы жарқын екенін көрсетеді», — деді Ресей президенті.

«Ғарыш айлағының халықаралық ғылыми-техникалық прогреске қосқан үлесі, шын мәнінде өте мол. Оны асыра бағалау мүмкін емес. Бүгінде Байқоңыр — әлемдегі ең ірі және заманауи ғарыш айлақтарының бірі. Жеті мыңға жуық қызметкер жұмыс істейтін бұл көпфункционалды кешеннің әлеуеті Ресейдің, Тәуелсіз Мемлекеттер Достастығына қатысушылардың және басқа да көптеген елдердің ғарыштық бағдарламаларына белсенді түрде қатысады», — деді Ресей басшысы.