Путин Қазақстандағы Ресей әскері туралы: қайту керек, біз өз міндетімізді орындадық

Ресей қорғаныс министрі Сергей Шойгу Ресей президенті Владимир Путинге Қазақстанда ҰҚШҰ бітімгершілік операциясын ұйымдастыру туралы баяндады.

– ҰҚШҰ күштері Қазақстандағы жағдайды тұрақтандыруда өте маңызды рөл атқарды. Олардың арқасында елдің барлық өмірлік маңызды нысандарын күзетуге қол жеткізілді, – деп мәлімдеді РФ президенті Владимир Путин РФ қорғаныс министрі Сергей Шойгумен болған кездесуде.

– Шынында да, біз барлық өмірлік маңызды нысандарды, инфрақұрылым нысандарын күзетке алып, әскери қызметшілердің, құқық қорғау күштерінің едәуір санын ел ішінде арнайы операциялар жүргізу үшін босата алдық. Үйге қайту керек, біз өз міндетімізді орындадық, – деп атап өтті РФ президенті.

Елдегі жаппай наразылықтар 2022 жылдың алғашқы күндерінде басталды — елдің батысындағы Жаңаөзен және Ақтау қалаларының тұрғындары сұйытылған мұнай газы бағасының екі есе өсуіне қарсы болды. Кейін наразылық басқа қалаларға, соның ішінде Алматыға да таралды. Адамдар көшеге шықты, қауіпсіздік күштерімен қақтығыстар мен тонау басталды.

Бесінші қаңтарда Тоқаев үкіметті отставкаға жіберіп, сұйытылған газ бағасын реттеуге бұйрық берді, бірақ толқулар жалғасты. Ол сондай-ақ Қауіпсіздік Кеңесін басқаруды қолға алды, кеңестің бірінші отырысында жағдайды «мемлекеттің тұтастығына нұқсан келтіру» деп атады. Сонымен қатар, президент ҰҚШҰ-нан көмек сұрады. Ұйым жағдайды қалыпқа келтіру үшін елге ұжымдық бітімгершілік күштерін жіберуге шешім қабылдады.

Жетінші қаңтарда президент террористер, соның ішінде шетелден келгендер де қарсылықты жалғастырып жатқанын айтты және қаруларын тастамайтындарды жоюға уәде берді. Сонымен қатар, ол азаматтардың бейбіт түрде айтылған барлық талаптары тыңдалғанын атап өтті.

19 қаңтарға дейін республиканың бүкіл аумағында төтенше жағдай режимі енгізілді, оған дейін билік аумақтарды тазартады. Бұл ретте жағдайды тұрақтандыру аясында маңызды объектілерді күзетумен айналысқан ҰҚШҰ бітімгерлері оларды жергілікті бейінді ведомстволарға өткізе бастады.

Осы аптада Тоқаев жаңа үкіметті тағайындады, оны Әлихан Смайылов басқарды. Премьер-министрдің айтуынша, министрлер кабинетінің басты міндеті – елді дағдарыстан шығару.