Путин ауған босқындарын Орталық Азияға орналастыруға қарсы

Ресей президенті Владимир Путин АҚШ пен Еуропаға виза алғанға дейін Батыс елдерінің Ауғанстаннан келген босқындарды Орталық Азия елдеріне орналастыру идеясын сынға алды.

Бұл туралы Orda.kz Tass.ru сайтына сілтеме жасап хабарлады.

Путиннің айтуынша, Ауғанстандағы жағдай Ресей Федерациясының қауіпсіздігіне «тікелей байланысты».

 – Біздің, айталық, батыстық серіктестеріміз Америка Құрама Штаттарынан немесе басқа елдерден виза алмай тұрып, босқындарды Орталық Азия елдеріне орналастыру мәселесін табанды түрде көтеріп келеді. Бұл мәселені шешуде қандай ақылға қонымсыз әдісті ұсынып жатыр? - деді Путин жексенбіде «Единая Россия» партиясының өкілдерімен кездесуде.

Ол бұл мәселе ҰҚШҰ саммитінде және басқа да алаңдарда талқыланатынын, Ресейдің Орталық Азия республикаларындағы серіктестерімен үнемі байланыста екенін қосты.

– Бұл біздің жақын серіктестеріміз бен одақтастарымыз. Біз олармен ортақ шекарамыз бар, бірақ визалық шектеулер жоқ. Елестетіп көріңіз: босқындар осы елдердің кез келгеніне кірді, бұл босқындарды біз қалай білеміз? Оларыдң саны жүз, мың, тіпті миллион болуы мүмкін. Бізде және жақын одақтастарымызда визаға ешқандай шектеулер жоқ. Қандай шекара? Мыңдаған шақырым ғана! Кез келген затқа отырда, көлікке, не есекке мін де даланы кесіп келе бер. Бұған біз не істейміз? – деді Путин.

Ол ұлттық қауіпсіздікті қамтамасыз етуді Ресей Сыртқы істер министрлігі үшін маңызды және басым міндеттердің бірі деп атады.

Еске салсақ, шілденің ортасында Ресей Қазақстанды Талибан шабуылынан қорғайтыны туралы айтқан.