Путин 22 миллионға жуық жалған дауыс жинады – БАҚ

«Важные историй» басылымы сарапшы Сергей Шпилкиннің әдісі бойынша дауыстарды санағаннан кейін осындай қорытындыға келді.

Ресейлік физик және сайлау жөніндегі сарапшы Сергей Шпилкин әзірлеген әдістің мәні мынада: сайлауда сайлаушылардың қатысуы артқан бір кандидат үшін өте көп дауыс беру мүмкін емес. Егер солай болса, бұл аномалия болып саналады.

«Важные историй» журналистері Ресей Федерациясындағы дауыс беру нәтижелерін зерттегеннен кейін дәл осы Путинге берілген дауыстардың қалыпты өсімін анықтады. Олар бұл дауыстардың кем дегенде 22 миллионы жалған  деген қорытындыға келді.

«Біз өз есептеулерімізде Мәскеудегі дауыс беру нәтижелерін есепке алмадық, өйткені Орталық сайлау комиссиясы сайлау учаскелеріндегі және интернеттегі нәтижелерді біріктірді. Бұл деректер талдау нәтижесін бұрмалауы мүмкін» дейді басылым.

Естеріңізге сала кетейік, Ресей Федерациясында президенттік сайлау 15-17 наурыз аралығында өтті. Ресей Орталық сайлау комиссиясының мәліметінше, Владимир Путин сайлаушылардың 87 пайыздан астам дауысын жинап, жеңіске жетті. Бұл абсолюттік сан бойынша  76,3 млн адам Путинге дауыс берген болып саналады.

Сонымен қатар, тәуелсіз exit-poll мәліметтері бойынша, Ресейден тыс, соның ішінде Қазақстандағы сайлау учаскелерінің көпшілігінде Путин лайықты дауыс жинамаған.