ПТР-сынамасын кімдер тегін тапсыра алатыны белгілі болды

Соңғы күндері елімізде коронавирус инфекциясымен сырқаттанушылықтың күрт өсуі байқалып отыр.

Осыған орай ПТР сынамасын тегін алатындар туралы жариялауды жөн көрдік.

ПТР-тест тегін алатындар:

• медициналық көрсеткіштер бойынша фильтр кабинетіне жүгінгенде ЖРВИ және вирустық пневмония белгілері болса;
• КВИ-ға күдікті науқас үшін мобильді топты үйге шақырғанда; 
• жедел тест нәтижесі оң болған жағдайда стационарға шұғыл емдеуге жатқызу кезінде;
• жоспарлы емдеуге жатқызуға немесе ауруханаға дейінгі тексеруге жіберуде;
• жүкті әйелдерге 37 аптадан бастап босану үшін емдеуге жатқызғанда;
• гемодиализдегі пациенттерге тегін жасалады.

Елімізде коронавирустан жазылғандар саны 969 156 адамға жетті.

Қазақстанда өткен тәулікте 1289 адам коронавирус індетінен емделіп шықты.

Аймақтар бойынша: 

Нұр-Сұлтан қаласында - 302, Алматы қаласында - 143, Шымкент қаласында - 26, Ақмола облысында - 37, Алматы облысында - 28, Атырау облысында - 12, Шығыс Қазақстан облысында - 65, Жамбыл облысында – 34, Батыс Қазақстан облысында - 35, Қарағанды облысында - 179, Қостанай облысында - 18, Қызылорда облысында - 2, Маңғыстау облысында - 5, Павлодар облысында - 141, Солтүстік Қазақстан облысында - 247, Түркістан облысында - 15.