ПСЖ чемпиондар лигасында Брюггемен тең ойнады

Француздық «Пари Сен-Жермен» командасы (ПСЖ) УЕФА Чемпиондар Лигасының топтық кезеңінің бірінші турының ойынында бельгиялық «Брюгге» командасымен тең түсті.

Бұл туралы Orda.kz хабарлайды.

15 қыркүйекте Брюгге қаласындағы Ян Брейдель стадионында өткен кездесу 1: 1 есебімен аяқталды. Негізгі құрамда бірінші рет Месси-Мбаппе-Неймар триосы шықты, Лионель сары қағаз алды.

Кездесудегі есепті 15-минутта париждік жартылай қорғаушы Андер Эррера ашты. 12 минуттан кейін бельгиялық жартылай қорғаушы Ханс Ванакен есепті теңестірді.

Еске салайық, Месси ПСЖ командасымен 10 тамызда келісімшартқа отырды. Тамыз айының соңында өзінің жаңа командасындағы алғашқы ойынын өткізді.