Психотроптық мефедрон тарататын қылмыстық топ ұсталды

Алматы мен Астанада психотроптық мефедрон тарататын ұйымдасқан қылмыстық топ құрықталды.

Астана мен Алматыда бір мезетте ұзақ уақыт бойы «мефедрон» психотроптық затын жасап, таратқан төрт адамды ұстау оқиғасы болды.

ҚР ІІМ атап өткендей, тергеу барысында психотроптық есірткінің Алматыдан Астанаға тасымалданғаны белгілі болды. Мефедронды қылмыстық істен бейхабар жеке таксилердің көлік бөлшектеріне жасырған.

— Қазіргі уақытта бұл факті ҚР Қылмыстық кодексінің 297-бабы бойынша тергелуде. Ұсталғандар кінәсін мойындады, барлығы уақытша ұстау изоляторына қамалды, - деді Көліктегі ІІД басшысы Оңал Бекиев.

Сондай-ақ олар  Алматыдағы гараждардың бірінен зертхана тапты. Ол жерден психотроптық заттарды өндіруге арналған 26 данадан астам құрал-жабдық, есірткі дайындауға арналған 500 литр химиялық концентрат және 1 келіден астам дайын психотроптық сусын табылды.