Прокурорлар Қазақстанның мемлекеттік бюджетіне 26,3 млрд теңге өндірді

Прокурорлардың сыртқы экономикалық қызмет саласындағы тексерулерінің нәтижесінде Қазақстан Республикасының мемлекеттік бюджеті 47,5 млрд теңгеге толықтырылды, деп хабарлады Бас прокурор Берік Асылов.

«Кеден саласындағы жұмысымды жалғастыра отырып, қадағалау актісіне сәйкес сыртқы экономикалық қызметке жекелеген қатысушылардан мемлекет кірісіне қосымша 26,3 млрд теңге кедендік төлемдер мен салықтар өндірілгенін атап өтемін. Жалпы алғанда, прокурорлардың осы салада жүргізген тексерулерінің нәтижесінде мемлекеттік бюджет 47,5 млрд теңгеге толықтырылды» деп жазды ҚР Бас прокуроры Берік Асылов Twitter парақшасында.