Прокурор Қайрат Сатыбалдыны 6 жылға бас бостандығынан айыруды сұрады

Прокурор Жангелді Есебаев Қайрат Сатыбалдыұлының мүлкін тәркілеп, 10 жыл мерзімге мемлекеттік лауазымдарды атқаруға тыйым салып, алты жылға бас бостандығынан айыруды талап етті.

Сондай-ақ, прокурор Қайрат Сатыбалдының генерал-лейтенант атағы мен арнайы мемлекеттік марапаттаудан айыруды сұрады.

Нұрсұлтан Назарбаевтың немере інісі сеніп тапсырылған мүлікке қиянат жасау, мүліктік залал келтіру және бөтен мүлікті иемдену немесе талан-таражға салу баптары бойынша тергеліп жатыр.Айта кетейік, Қайрат Сатыбалдыұлы 13 наурызда ұсталды. Оның бұрынғы әйелі де қамауда.

Қайрат Сатыбалдыұлы прокурор ұсынған жазамен келісті.

– Мен кінәмді мойындаймын, өкінемін және іс жүргізу келісімінің барлық тармақтарымен келісемін, – деді ол.