Прокуратура Владислав Челахтан жауап алды

Өмір бойына бас бостандығынан айырылған Владислав Челахтан Бас прокуратураның прокуроры жауап алды.

Бұл туралы Elmedia Владиславтың анасы Светлана Ващенкоға cілтеме жасап хабарлайды.

– Жалпы, Влад бізге жұма күндері хабарласады. Менімен сөйлеспесе, басқа отбасы мүшелерімен сөйлеседі. Бірақ кеше бізге қоңырау шалмады. Біз аздап алаңдай бастадық. Бірақ бүгін ол телефон соғып, кеше олардың құрылғыларында ақау болған, бас прокуратурадан бір жас қызметкердің келгенін айтты. Тегі есінде жоқ. Сол прокурор одан екі күн бойы жауап алған. Айтуынша, ол оған қалағанының бәрін айтып, іске қатысы бар өзіне белгілі барлық есімдерді атаған, ал аты-жөнін білмейтіндерінің сыртқы түрін сипаттаған. Бұған дейін Бас прокуратураның басқа прокуроры оның ісін талап етті, – деді Светлана.

Сонымен қатар, ол осы 10 жыл бойы Владиславтың «болған оқиға туралы бір ауыз сөз айтпағанын, бірақ қазір ол ашық сөйлегенін» байқады.

– Ол әлі де басқа мәліметтермен бөліспеді. Сонымен бірге олардың сөйлесу уақыты шектеулі екенін байқадым, бар болғаны 2-3 минут, – деді анасы.

Еске салайық, 20 желтоқсанда Владислав Челах президент Қасым-Жомарт Тоқаевқа өз ісін қайта қарауды және Арқанкерген оқиғасының шынайы кінәлілерін жазалауды сұрап өтініш жасағаны белгілі болды. Келесі күні Қазақстан Республикасының Бас прокуратурасы Тимур Тәшімбаев арқылы өмір бойына бас бостандығынан айыруға сотталған Челахтың арызын зерделеуге уәде берді. Бірақ сонымен бірге істің «ескіру мерзіміне» сілтеме жасады.

Светлана Ващенко ұлы осы жылдар бойы өзінің кінәсіздігі туралы айтып, түрлі құзырлы органдарға жүгінуді тоқтатпағанын айтты.