Прокуратура Әбжанның қоқан-лоққы туралы мәлімдемесін тексереді
Судья Айжан Құлбаева блогер Махамбет Әбжанның Антикор тергеушілері тарапынан қоқан-лоққы көргені туралы уәждерін тексеруді ұйғарды.
Судья Айжан Құлбаева блогер Махамбет Әбжанның «Антикор» тергеушілерінен көрген қоқан-лоққылары туралы уәжін тексеруге шешім қабылдап, негізгі сот отырысы болатын күнді белгіледі.
— Сотталушы Махамбет Әбжан бұқаралық ақпарат құралдарының өкілі болғандықтан, сондай-ақ оның Telegram-арнасындағы жазылушыларының санын ескере отырып, әлеуметтік желілерде жәбірленушіге жағымсыз әсер етуді болдырмау және оның қауіпсіздігін қамтамасыз ету мақсатында, сот жәбірленуші өкілінің өтінішін қанағаттандырып, қылмыстық істі жабық сот отырысында қарау қажет деп санайды. Сондай-ақ, сот Астана қаласының прокуратурасын сотталушы Әбжанның ҚР Сыбайлас жемқорлыққа қарсы іс-қимыл агенттігі қызметкерлерінің қоқан-лоққылары туралы уәждерін тексеруді міндеттеді. Дәлелдер материалдары 2023 жылдың 18 қаңтарына дейін сотқа тапсырылсын, — деді судья Айжан Құлбаева.
Ол негізгі сот отырысы 18 қаңтар күні сағат 10.00-де Сарыарқа аудандық № 2 сотында өтетінін мәлімдеді.
Бұрын хабарланғандай, бопсалау және қасақана жалған ақпарат таратты деп айыпталған блогер Махамбет Әбжан сотта тергеу оны Мәжілістің бұрынғы спикері Нұрлан Нығматулин мен бұрынғы вице-премьер Ералы Тоғжановқа қарсы куәлік беруге мәжбүр еткенін айтты.
Прокурор Альмира Қожахметованың айтуынша, Әбжанға ҚР Қылмыстық кодексінің 274-бабы (көрінеу жалған ақпарат тарату), 2, 3-бөліктерінде, сондай-ақ 194-баптың 2-бөлігінің 2-тармағында көзделген, яғни жәбірленушінің абыройын түсіретін ақпаратты таратамын деп қорқытумен жасалған қылмысы үшін айып тағылуда.
— Әріптестер, кеше маған келді, бүгін Казачковқа, ертең сендерге келуі мүмкін, - деді Әбжан сот залынан шығып бара жатып.
Еске салсақ, 3 шілдеде Махамбет Әбжанның 50 миллион теңге алып жатқан жерінде ұсталғаны белгілі болды. Кәсіпкер Рашит Махат бопсалау туралы арыз түсірді. Сот істі Сыбайлас жемқорлыққа қарсы комитет тергеп жатқанда Әбжанды екі айға қамауға алу туралы шешім шығарды.
Күдіктінің өзі бұрын адамдардың құқығы бұзылып жатыр деп сенген кезде ақшаға мақала жазғанын мойындады. Мұны оның жұбайы Гүлзира Дүйсембаева да растады. Ол Тоқаевтың немере інісі туралы және қаңтардағы наразылық шаралары туралы да жазды.
Әбжанның әйелінің пікірінше, ол қазіргі билікке ұнамағандықтан қуғынға ұшырап отыр.
Жаңалықтар
- TikTok жұлдызы Мұрат Әбділданың мерзімінен бұрын босату туралы өтініші қаралды
- Мемлекет басшысы биліктегі біршама тұлғаларды орнынан босатылып, біршама тұлғаларды тағайындады
- Үйі жоқ халықты коммуналдық төлемдерден босату қаншалық орынды?
- Футбол добының орнына кірпі: Ақтөбеде жігіттерге қатысты қылмыстық іс қозғалды
- «Самұрық-Қазына» өзінің еншілес ұйымына екі ірі су электр станциясын берді
- Мемлекет басшысы Малайзия Премьер-министрі Ануар Ибрагиммен кездесті
- Дұғалар, прокуратура, облыс әкімі және Атыраудан жүк көлігі: Құлсарыдағы митинг жалғасып жатыр
- Оралдағы су басқан саяжайлардың тұрғындары тағы да әкімдікке жиналды
- Енді үйдегі интернетті телефон арқылы қосуға болады
- Тоқаевтың Жарлығымен Нұрлан Асқарұлы Ноғаев Маңғыстау облысының әкімі лауазымынан босатылды
- Татарстанда қазақ тілі оқытылатын болады
- Қазақстан Энергетика министрлігі басшылығының мессенджерлеріне хакерлік шабуыл жасалды
- Депутат баспананы табиғи апаттан сақтандыруды міндеттеуді ұсынып отыр
- Boeing ұшақтары қауіпсіз бе: АҚШ-тың Әділет министрлігі тергеуді бастады
- Әділет министрлігі екі саяси партияны тіркеуден бас тартты
- ҰБТ-2024 Қазақстанның он төрт облысында басталды
- Әлия Назарбаеваның рейдерлік әрекеті халықаралық деңгейге шығады
- Назарбаевтың бұрынғы келініне қатысты іс: Сот қашан басталады?
- Қазақстанда мәдениетсіз әртістер айыппұлмен жазаланады
- Бишімбаев ертерек бостандыққа шыға ала ма?