Прокурорлар Семейдегі кәсіпорынның 125 қызметкеріне жалақы алуға көмектесті

Абай ауданының прокурорлары Семей машина жасау зауытын тексеріп, жұмысшылардың жалақысын алуға көмектесті.

Абай аудандық прокуратурасының нұсқамасы арқылы 90 миллион теңгеден астам жалақы берешегі өтелді.

«Еңбек кодексі талаптарын бұза отырып, «Семей машина жасау зауыты» АҚ-ның 125 қызметкеріне 9 ай бойы еңбекақы төлемеген. Прокуратура басшылығы облыс әкімдігімен және уәкілетті органдармен бірлесіп, бірқатар жауапкершілік шаралары қолданылды» деп хабарлады Абай облысы прокуратурасының баспасөз қызметі  

Жалақы бойынша қарыз толық өтелді. 125 жұмысшының құқығы қорғалды.