Прокурор Мұхамедиұлын 12 жылға бас бостандығынан айыруды сұрады

Мәдениет және спорт экс-министрі Арыстанбек Мұхамедиұлының ісіне қатысты сот тергеуі аяқталып, пікірталас басталды.

Прокурор бұл іске қатысы барлар үшін айыптаушы тарап сұрап отырған жазаны жариялады.

23 ақпанында прокурор Олжас Хайруллаев сотта сөйлеген сөзінде айыптаушы тарап Арыстанбек Мұхамедиұлы мен қалған алты айыпталушыға екі бап бойынша бірлескен іс жүргізу аясында жаза сұрап отырғанын жариялады:

Прокурор «Алтын адам шеруі» көрмесін өткізу туралы және Астанадағы «Дипломат» қонақ үйін сатып алу кезіндегі заң бұзушылықтар мен рейдерлік әрекеттер бойынша Арыстанбек Мұхамедиұлын кінәлі деп тануды сұрады.

«Арыстанбек Мұхамедиұлы мемлекеттік қызметте және квазимемлекеттік секторда лауазымдарды атқару құқығынан өмір бойына ажырап, 12 жылға бас бостандығынан айырылады. Жазасын қауіпсіздігі орташа түзеу мекемесінде өтейтін болады»,- деді Олжас Хайруллаев.