Прокурор Гүлмира Сатыбалдыны 13 жылға бас бостандығынан айыруды сұрады

Гүлмира Сатыбалдыға қатысты сот отырысында тараптар арасындағы пікірталас барысында сот тергеуінің қорытындысы шығарылуда. Прокурор Алмаз Байбарақов өз уәждері мен дәлелдерді келтірді.

Бұл туралы Orda.kz хабарлады.

Мемлекеттік айыптаушы істің мән-жайына талдау жасап, Гүлмира Сатыбалдыға 10 жылға бас бостандығынан айыру жазасын орташа режимдегі колонияда өтеуді сұрады. Сатыбалдының басқа да сотталған істерімен қосқанда жазаның жалпы саны 13 жылға бас бостандығынан айыруды сұрады. Ал оның оның жүргізушісі Мәди Батыршаевты 10 жылға бас бостандығынан айыруды ұсынды.

Бұрынғы президент Нұрсұлтан Назарбаевтың келіні әрі Қайрат Сатыбалдының бұрынғы жұбайы қылмыстық кодекстің үш бабы бойынша айыпталып отыр.

•  ҚР ҚК 126-бабының 3-бөлігінің 3-тармағы «Заңсыз еркіндігінен айыру»
•  ҚР ҚК 194-бабының 4-бөлігінің 2-тармағы «Өзгенің мүлігін қорқытып алу»;
•  ҚР ҚК 389-бабының 4-бөлігі «Өзінше билік ету».

Ал Гүлмира Сатыбалдының жүргізушісі Мәди Батыршаев заңсыз еркіндігінен айыру яғни,126-бабтың 3-бөлігінің 3-тармағы бойынша айыпталып отыр.

Еске сала кетейік, бұған дейін Гүлмира Сатыбалды бір жыл бұрын 8 жылға бас бостандығынан айырылған болатын.