Шетелдік прокуратура Назарбаевтың күйеу баласы мен құдасынының ісін тергеп жатыр

Молдова прокуратурасы Orda.kz сайтына ірі көлемде ақша бопсалады деген күдікке ілінген қазақстандықтарға қатысты Молдованың қылмыстық-процестік кодексінің нормаларына сәйкес іс қаралып жатқанын хабарлады.

Orda.kz редакциясы миллиардерлер Тимур Құлыбаев, Қайрат Боранбаев және Александр Машкевичтің Молдованың ұйымдасқан қылмыспен және аса маңызды істермен күрес жөніндегі прокуратурасына жауап алуға шақырылғаны туралы сотқа шақыру қағазының көшірмелерін алды.

Orda.kz редакциясы Молдова Республикасына Тимур Құлыбаев пен Қайрат Боранбаевты жауап алуға шақыру туралы ресми сауал жолдады. Прокурор Денис Поятэнің айтуынша, 189-баптың 6-бөлігі «бопсалау» бойынша қылмыстық іс бойынша күдікті ретінде танылған қазақстандықтардың кейбірі жауап беруге келмеген. Қылмыстық іс 2021 жылдың тамыз айында қозғалған.

«Осы қылмыстық іс бойынша қылмыстық қудалау барысында әртүрлі процессуалдық сипаттағы айғақтар беру үшін бірнеше адам әлі келмеген. Қазақстан Республикасының азаматтары жауапқа шақырылып, олардың сотқа келуін ұйымдастыру мәселесі қаралды. Бұдан былай қылмыстық қудалау Молдова Республикасының Қылмыстық іс жүргізу кодексінің нормаларына сәйкес шешілетін болады» деп жауап берді Денис Поятэ.

Молдова Республикасы қылмыстық-процестік кодексінің 212-бабына сәйкес, басқа ақпарат жария етілмейді.

Тимур Құлыбаев – Нұрсұлтан Назарбаевтың ортаншы қызы Динара Құлыбаеваны күйеуі. ҚР Ұлттық Олимпиада комитетінің президенті, «Kazenergy» қазақ мұнай-газ және энергетикалық кешенді ұйымдары қауымдастығының төрағасы.

Қайрат Боранбаев – Қазақстанның экс-президенті Нұрсұлтан Назарбаевтың үлкен қызы Дариға Назарбаеваның құдасы. Боранбаевтың қызы Әлима 2013 жылы Дариға Назарбаеваның ортаншы ұлы Айсұлтан Назарбаевқа күйеуге шыққан. Айсұлтан 2020 жылы тамызда Лондонда қайтыс болды. Британдық БАҚ-тың хабарлауынша, өлімге кокаин себеп болған.