Президенттің жолына белгі салған Ақтөбелік шенді сотталды
Фото: Orda.kz
Сот Ақтөбе қаласы әкімдігінің қызметкері Абзал Тілмағамбетовті 8 жылға абақтыға қамау туралы үкім шығарды, деп хабарлайды Orda.kz.
Ақтөбе прокуратурасы бюджет қаржысынан бөлінген 200 миллионнан астам теңгенің талан-тараж болғанын анықтады. Шенді мемлекеттен бөлінген қаржыны жымқырып, жол белгілері салынды деп қағаздарға қол қойып, істі қабылдағаны үшін айыпталды.
«Ақтөбе қаласының жол қозғалысы қауіпсіздігін қамтамасыз ету және цифрлық технологиялар орталығы» коммуналдық мемлекеттік мекемесінің директоры Абзал Тілмағамбетовтің ҚК-тің 189-бабы 4 бөлігі 2 тармағы бойынша кінәсі дәлелденді. «Сеніп тапсырылған бөтен мүлікті иемдену немесе талан-таражға салу» бабы бойынша сот үкім шығарды.
Ақтөбе қаласы әкімі Азамат Бекеттің қарамағындағы қызметкер жол белгілерін салу бойынша орындалмаған істі қабылдаған.
«Ақтөбе қаласының жол қауіпсіздігін қамтамасыз ету және цифрлық технологиялар орталығының директоры Абзал Тілмағамбетов Қылмыстық кодекстің «Сенiп тапсырылған бөтен мүлiктi иемденiп алу немесе талан-таражға салу» бабы бойынша айыпты деп танылып, 8 жылға бас бостандығынан айыру жазасы тағайындалсын. Мемлекеттік қызметте, қыржылық компанияларда, ұлттық компанияларда жұмыс істеу құқығынан өмір бойына айырылсын», — деді судья
Кәсіпкер Аслан Құсымов Қылмыстық кодекстің «Сенiп тапсырылған бөтен мүлiктi иемденiп алу немесе талан-таражға салу» бабы бойынша айыпты деп танылып, 7 жылға бас бостандығынан айыру жазасы тағайындалды. Үй қамақта жүрген сотталушыға сот залында кісен салынды. Олар қауіпсіздігі орташа түзету мекемесінде жазасын өтейді.
Сотта Ақтөбеге президент келер алдында жол белгілерін салып дайындалған әкімдік қызметкерлерінің ақшаны талан-тараж қылғаны айтылды. Іс материалдарына сүйенсек, 2023 жылдың сәуір айында жол белгілерін салуға қатысты бөлінген бюджет ақшасынан шашау шыққан.
Абзал Тілмағамбетов 221 млн теңге болатын жұмысты атқарылды деп екі келісімшартқа қол қойған.
Сотталушылар сот үкімімен келіскен жоқ. Апелляциялық шағым түсіретінін айтты.
Автор: Ардақ Ерубаева
Жаңалықтар
- Иран ядролық қарудан бас тартып, Израильге шабуыл жасауды тоқтатуға дайын
- Таяу Шығыстағы қақтығыс салдарынан мұнай бағасы 200-300 долларға дейін көтеріледі
- Шілдеде қосымша демалыс күні болады
- Си Цзиньпиннің келуі Астанадағы кептелістерге себеп болады
- АҚШ әуе шабуылына қарсы қорғаныс құралдарын Украинадан Таяу Шығысқа ауыстырды
- Израиль - Иран қақтығысы: Дубайдан шыға алмай қалған қазақстандықтар үйлеріне оралады
- Неліктен Қазақстандағы алғашқы АЭС-ті Ресей салады?
- Қазақстандағы мерзімінен бұрын парламент сайлауы — жай ғана қауесет пе, әлде шындық па?
- Айсұлтан Назарбаевтың Ұлыбританиядағы әскери оқуы: Қазақстанның әуе қорғанысы Ресейге қаншалықты тәуелді?
- Жаман иісті жоғалтып, мердігерлерді жазалау керек: Сатыбалды Алматының тағы бір ауданын аралап көріп, тағы да көңілі толмады
- Иран Израильге зымырандар мен ұшқышсыз ұшақтар қолданып шабуыл жасады
- Қазақстан мен Ресейдің ботаник ғалымдары «мәңгілік шөбін» тауып, сенсациялық жаңалық ашты
- Петропавлдық такси жүргізушілері жеті күн аза тұтады
- Алматылық жас ғалым инсультті ерте анықтаудың жолын тапты
- Иран АҚШ базаларына шабуыл жасамақшы: Израильге шабуыл жалғасады
- Әлия Молдағұлованың 100 жылдығы дрон шоуымен көмкерілді
- Абай облысында сотталғандардан ақша бопсалағандар жазаларын алды
- Олигархтардан қайтарылған активтерден «Отбасы банкке» 50 млрд теңге бөлінбейтін болды
- Иран Израильдің шабуылынан кейін АҚШ-пен ядролық бағдарлама тұрғысындағы келіссөздердің «мәні жоқ» деп мәлімдеді
- Қазақтың еті, шапаны және жабылатын көшелер: Қазақстан Джей Ло-ның келуіне қалай дайындалып жатыр
