Президенттікке үміткер болған Тұрсынбекова лауазымды қызметке тағайындалды

Кезектен тыс президент сайлауында үміткер болған Салтанат Тұрсынбекова Адам құқықтары жөніндегі ұлттық орталықтың басшысы болып тағайындалды. Адам құқықтары жөніндегі уәкіл Артур Ластаев ұжымға жаңа басшыны таныстырды.

Салтанат Тұрсынбекова – тарихшы-қоғамтанушы. Әл-Фараби атындағы Қазақ ұлттық университетін бітірген. Құқықтану мамандығы бойынша Мәскеу мемлекеттік заң академиясын тәмамдаған.

Тұрсынбекова 20 жылдан астам мемлекеттік қызметте, оның ішінде мемлекеттік қызмет істері агенттігінде, ҚР Жоғарғы Сотында және Бас прокуратурасында жұмыс істеді.

Айта кетейік, ол өткен жылы Қазақстан президентінің сайлауына қатысып, 2,12% дауыс жинады.