Президенттікке үміткер Әуесбаев қазақ тілі бойынша емтихан тапсырды

ЖСДП партиясының атынан кезектен тыс президент сайлауына қатысатын Нұрлан Әуесбаев лингвистикалық комиссиясының мемлекеттік тілді білу бойынша тексеруінен өтті.

– Лингвистикалық комиссия мемлекеттік тілді еркін меңгеру фактісін үш бағыт бойынша анықтады: эссе жазу, классикалық қазақ әдебиеті шығармасынан үзінді оқу және таңдалған тақырыпқа кандидаттың көпшілік алдында сөйлеуі, – делінген хабарламада.

Емтихан нәтижелері бойынша ашық дауыс беру арқылы Нұрлан Сатыбалдыұлы Әуесбаевтың мемлекеттік тілді еркін меңгергені туралы шешім қабылданды.