Президенттіке үміткерлердің пікірсайыстан кейінгі әрекеттері

Қазақстан президенттігіне үміткер елдегі сайлау әділ өтеді деп үміттенеді.

Салтанат Тұрсынбекова әділ сайлаудан үмітті. Sailau кампаниясының айтуынша, кандидат бұл қазақстандықтардың демократиялық өзгерістерге сенуі үшін қажет деп санайды.

Бұл ойларын Тұрсынбекова жұма күні кешкі пікірталастан кейін айтты. Айтпақшы, жарыссөзден кейін президенттікке үміткерлер ел аралауға тарап кетті. Жигули Дайрабаев Алматы облысындағы ірі жылыжай кешендерінің біріне баруды жөн көрді. Онда олар соңғы кездері кәсіпорынның электр энергиясы үшін төлемі қымбаттап кеткенін айтып шағымданған.

«Жолақы неге қымбат? Өйткені делдалдар көп. Кеңседен басқа ештеңесі жоқ компаниялар электр энергиясын ірі энергетикалық компаниялардан сатып алып, үлкен үстемеақы алады. Мұндай жағдайда осындай кәсіпорындарды,  экспортты көбейтіп, дамыту мүмкін емес» деп келтіреді Sailau кандидаттың сөзін.

Ал Нұрлан Әуесбаев Ақмола облысының Ақкөл қаласында болып, парламенттік-президенттік басқарудың оң тұстарына тоқталды. Оны ол өзінің сайлауалды бағдарламасында ұсынып отыр.

— Мен кездесуге келген сайлаушыларға сайлауалды бағдарламамның негізгі ережелерін айттым. Саяси блокқа халық қатты қызығушылық танытты. Неліктен мен парламенттік-президенттік басқару формасына көшуді ұсынамын? Өйткені бұл бюджет қаражатының жұмсалуына халықтық бақылау орнатуға мүмкіндік береді, - деді ол.

Осы кезде Мейрам Қажыкен Теміртауға «Арселор Миттал» компаниясының жұмысшыларына барды. Пікірталаста оған Ленин шахтасындағы төтенше жағдайдан кейін неге бірден бармады деген сұрақ қойылды. Қажыкен төтенше жағдай енгізілгеннен кейін бірден халықты дүрліктіру әдепке жатпайды деп есептейтіндігін айтты.

— Инвестор немесе компания иесі өз міндеттемелеріне мән бермейді, өндірісті дамытуға қаржы салмайды. Біздің көз алдымызда кәсіпорын тозуда. Қазірдің өзінде компанияны ұлттандыру мәселесі көтеріліп жатыр. Бірақ сұрақтың шешімі оңай емес. Ұлттандыру туралы заң қабылдау керек. Бұл Қазақстандағы көптеген компанияларға қатысты. Инвесторлар компаниялардан қолдарынан келгеннің барлығын сығып алып, оларды сығылған лимон сияқты тастап кеткісі келеді. Бірақ бұлай болмайды Біз олардың инвестициялық міндеттемелерін, жұмыс орындарын ашуды қайта қарауымыз керек, - деді ол жұмысшыларға.

Оның айтуынша, инвесторлардың инвестиция салу және жұмыс орындарын құру жөніндегі міндеттемелерін қайта қарау керек.