Президенттік жастар кадрлық резервіне құжат қабылдау аяқталады

Бұған берілген мерзім бүгін түн жарымда аяқталады, деп еске салды Мемлекеттік қызмет істері агенттігі.

Президенттік жастар кадрлық резервіне іріктеуге қатысу үшін құжаттарды қабылдау мерзімінің аяқталуына аз уақыт қалды: ол ұйым сайтында 30 қыркүйек күні сағат 23:59-ға дейін болады.

1 қыркүйекте Президенттік жастар кадрлық резервіне үшінші іріктеу басталды. Оған кемінде бес жыл жұмыс өтілі бар, мемлекеттік тілді білуі В1 деңгейінен кем емес 35 жасқа дейінгі Қазақстан азаматтары қатыса алады. 

Мемлекеттік тілді білуге ​​тест тапсыру үшін үміткерлер Qazaq Resmi Test промо-кодын (онлайн) сағат 13.00-ге дейін, тестілеуді тапсыру үшін – 30 қыркүйек күні сағат 17.00-ге дейін пайдалана алады.

Іріктеу шарттарына сәйкес үміткерлер 30 қыркүйекке дейін барлық құжаттарды жүктеп салып, 1 қазанда өтетін «Тестілеу – мәтіндік ақпаратпен жұмыс істеу қабілетін бағалау» іріктеу кезеңіне жазылуы тиіс.

Тестілеуге тіркелу 30 қыркүйек сағат 23.59-ға дейін ашық болады. Қатысушылар ұсынылған опциялардан уақыт таңдауы керек. Тестілеу прокторинг жүйесі арқылы онлайн режимде өтеді, сонымен қатар аудио және бейне жазбалар болады.

Қатысушыларға қажеті:

·         Chrome браузері бар компьютердің/ноутбуктің болуы;

·         жылдамдығы кемінде 5 Мб/сек тұрақты Интернет;

·         жұмыс істейтін веб-камера және микрофон,

·         жақсы жарық пен шуы жоқ орын.

Тестілеу ұсынылғандардың бір дұрыс жауабы бар 25 тест тапсырмасын қамтиды. Тест ұзақтығы 25 минуттан аспайды. Бұл блоктағы нәтижелер автоматты түрде есептеледі және тестілеу аяқталғаннан кейін бірден компьютер мониторында көрсетіледі. 

Сіз жинаған ұпайлар сіздің жеке кабинетіңізде «Ескертулер» бөлімінде көрсетіледі. Тестілеудің соңғы нәтижелері үміткерлердің жеке кабинетінде және веб-сайтта қолжетімді болады.