Президентке адал бизнеске қысым жасау қысқартылғаны туралы айтылды

Қасым-Жомарт Тоқаев Қаржы мониторингі агенттігінің төрағасы Жанат Елімановтың есебін тыңдады.

Еліманов Мемлекет басшысына көлеңкелі экономикамен, қаржылық пирамидалармен және елден капиталды шығарумен күресу бойынша жұмыс нәтижелері туралы айтып берді.

Оның айтуынша, ағымдағы жылы Қаржы мониторингі агенттігі  727 экономикалық құқық бұзушылықты анықтаған. Өтелген шығын көлемі 67 млрд теңге болған.

 «Мемлекет басшысына адал бизнеске қысымды жою жөніндегі тапсырмасының орындалу барысы туралы баяндалды. Атап айтқанда, Жанат Еліманов құқық қорғау органдарына тән істерді жалпы қозғау тәжірибесінің жойылатынын мәлімдеді»  делінген Ақорда хабарламасында.

Еліманов Қаржы мониторингі агентті жыл сайын экономикалық қылмыстарды тіркеуді азайтатынын хабарлады. Оның айтуынша, тергеу мерзімі  үш есеге, ақтау белгілері бойынша тоқтатылған істердің саны үш есеге қысқарған.

Елімановтың айтуынша, соның нәтижесінде мыңдаған азаматтар мен кәсіпкерлерді қылмыстық қудалау шектеліп, сотқа түсетін арыздар мен шағымдар азайған.

Кездесу соңында Қасым-Жомарт Тоқаев кәсіпкерлердің құқықтарын қатаң сақтау қажеттігіне назар аударып, агенттік басшысына бірқатар тапсырмалар жүктеді.