Президент үкіметтің кеңейтілген отырысын өткізеді

2026 жылғы 10 ақпанда мемлекет басшысы Қасым-Жомарт Тоқаевтың төрағалығымен Қазақстан Республикасы Үкіметінің кеңейтілген отырысы өтеді, деп хабарлайды Orda.kz.      

Аталған ақпаратты Ақорда баспасөз қызметі растады.

«10 ақпанда Мемлекет басшысы Қасым-Жомарт Тоқаевтың төрағалығымен Қазақстан Республикасы үкіметінің кеңейтілген отырысы өтеді. Іс-шара барысында 2025 жылғы елдің әлеуметтік-экономикалық даму қорытындылары шығарылып, алдағы кезеңге арналған үкіметтің негізгі міндеттері айқындалады» деп жазылған хабарламада. 

Бұған дейін Премьер-Министр Олжас Бектенов кәсіпкерлермен кездесу өткізіп, салықтық әкімшілендіру мәселелері бойынша олардың ұсыныстарын тыңдаған болатын.

Еске салсақ, президент Қасым-Жомарт Тоқаев Қызылордада өтіп жатқан Ұлттық құрылтайдың V отырысында үкіметтің экономиканың бірқатар салаларындағы жұмысы туралы сыни пікір айтып, кадрлық шешім қабылдауға уәде берген болатын.

Оқи отырыңыз:

• Үкімет инфляциямен күрес шараларын талқылады: салық бойынша өсімпұлдар мен айыппұлдарды есептен шығаруға уәде берді
• Үкімет Арқалықты құтқару үшін 250 млн теңге бөлді