Президент су тасқынынан зардап шеккен тұрғындарға қолдау көрсеткендерге алғыс айтты

Президент қол ұшын берген қазақстандықтарға және шетелдіктерге алғысын айтты, деп хабарлайды Orda.kz порталы.

«Еліміздің бірқатар өңірінде табиғи апат орын алған сәттен бері менің атыма достас мемлекеттер басшыларынан жылы лебіздер мен көмек көрсету жөнінде ұсыныстары жазылған хаттар келіп түсіп жатыр. Қазақстан жойқын су тасқыны кезінде жәрдем беруге дайын екенін білдіргені үшін достас елдерге шын жүректен алғыс айтады.
Менің тапсырмам бойынша Премьер-Министр бастаған республикалық штаб төтенше жағдай салдарын барынша азайту үшін пәрменді шаралар қабылдап жатыр. Зардап шеккен барлық азаматқа қажетті көмек көрсетілуде. Олардың бүкіл шығындары өтеледі. Бірде-бір адам назардан тыс қалмайтынын жуырда отандастарыма арналған үндеуімде айттым. Апатқа қарсы күрес жалғасуда.
Қиын-қыстау кезде халқымыз өзін тағы да ең жақсы қырынан танытып, бірлік пен төзімділіктің үлгісін көрсеткені қуантады. Қазақстан азаматтарына шын жүректен алғыс айтамын» деп жазылған Мемлекет басшысының Instagram парақшасында.