Президент Шымкент қаласына келді

Президент Қасым-Жомарт Тоқаев Шымкент қаласына келді, деп хабарлайды Orda.kz. 

Мемлекет басшысы жұмыс сапарымен Шымкент қаласына келді. Ол қаланың әлеуметтік-экономикалық даму тынысын көріп қайтады.

Қасым-Жомарт Тоқаев 24 миллиард теңге қаражат жұмсалған Шымкент әуежайының жаңа айлағын көрді.

Қазақстанның оңтүстігінде бірегей авиациялық хаб қалыптастыру өңірдегі әуе қатынасы бағытын 17-ден 59-ға дейін көбейтуге сеп болмақ. Сондай-ақ Еуропа мен Азияның бірқатар еліне жаңа рейстер ашуға мүмкіндік береді.

Айта кетейік, Тоқаев жуырда ғана іс-сапармен Өзбекстанға барды.