Президент резиденциялары дирекциясының бұрынғы басшысы заңсыз алтын өндірген

Президент Іс басқармасының мемлекеттік резиденциялар дирекциясын басқарған Болат Мыңбаев қазір IBM Gold компаниясын басқарады. Аталған фирма алтын мен күмісті заңсыз өндіргені үшін прокуратура назарына ілікті, деп хабарлайды Orda.kz.

Павлодар облысы прокуратурасының мәліметінше, «IBM Gold» ЖШС 2025 жылдың басынан бері Баянауыл ауданында экологиялық рұқсат алмай жұмыс істеген. Бұл дерек бойынша қадағалаушы орган тиісті шара, оның ішінде процестік сипаттағы әрекеттер қабылданатынын хабарлады.

Компанияның құрылтайшылары арасында Болат Мыңбаевпен бірге SA Minerals иесі Серік Әбдіғалиев пен қырғызстандық кәсіпкер Тахиржан Баратов бар.

Мыңбаев кезінде президент резиденцияларын басқарған. Ал 2017 жылы отандық БАҚ-та IBM Gold компаниясының Майқайың кен байыту фабрикасының қалдықтарына ресми тіркелмей тұрып-ақ қол жеткізгені туралы жазылды.

Еске сала кетейік, жуырда Нұрсұлтан Назарбаевтың інісі банкрот деп танылды.