Президент Әнес Сарайдың отбасына көңіл айту жеделхатын жолдады

Бұл туралы Қазақстан Республикасы Президентінің баспасөз хатшысы Берік Уәлидің Facebook парақшасында хабарланды.

Мемлекет басшысы жазушы-драматург отбасы мен достарына көңіл айту жеделхатын жолдады.

«Көрнекті жазушы, ақын, драматург, Қазақстанның еңбек сіңірген қайраткері, Мемлекеттік сыйлықтың лауреаты Әнес Төлендұлы Сарайдың қайтыс болуына байланысты көңіл айтамын. Дарынды жазушы республикалық газеттер мен баспаларда, Қазақстан Жазушылар одағында көп жұмыс істеді. Өзінің ұзақ мерзімді шығармашылық жолында ол тарихи, әдеби шығармалар жасады. Жаны жәннатта болсын», - делінген жеделхатта.

Жазушы және драматург Әнес Сарай Ұлттық пантеонда жерленеді.