Президент кеңесшісіне қастандық: Зеленский жауабы

Украина президенті Владимир Зеленский 22 қыркүйекте өзінің кеңесшісі Сергей Шефирге жасалған қастандықтан кейін бейне хабарлама жазды. Мемлекет басшысының өз хабарламасын Facebook-те жариялады.

Бұл туралы Orda.kz хабарлады.

- Мен қазір Нью-Йорктемін. Сағат таңғы алты. Шамамен екі сағат бұрын менің кеңесшім, ең бастысы – менің жақын досым, жолдасым Сергей Шефирдің көлігіне оқ атылды, – деді Зеленский.

Ол БҰҰ Бас Ассамблеясының сессиясында сөз сөйлегеннен кейін бірден Киевке ұшатынын айтты.

- Мұның артында кім тұрғанын әлі білмеймін. Қандай да бір ішкі немесе сыртқы күштер болуы мүмкін. Мен оларды күш деп санамаймын, өйткені менің досымның көлігіне орманнан оқпен сәлем жолдау – әлсіздік, бірақ бұл үшін сорақы жауап болады, – деді Зеленский.

Оның айтуынша, президент пен оның командасы таңдаған елдің даму жолына қастандық әсер етпейді.