Президент Қасым-Жомарт Тоқаев іссапармен Алматыға келді

Қасым-Жомарт Тоқаевтың Алматыға келгенін Ақорда растады, деп хабарлайды Orda.kz порталы Adyrna-ға сілтеп.

Президент ертең Наурыз мейрамына орай Алматыда ұйымдастырылатын бірқатар іс-шараға қатысады.

Айта кетсек, бұл президенттің жыл басынан бергі Алматыға екінші сапары. Ол бұған дейін 24-25 қаңтарда, жер сілкінісінен кейін бірден қалаға барды.

Ол кезде мемлекет басшысы бірқатар инфрақұрылымдық және әлеуметтік нысанды аралап, мегаполистің жол-көлік жүйесін дамыту бойынша әкімдіктің жоспарымен танысты. Төтенше жағдайлар министрі Шыңғыс Әрінов Қасым-Жомарт Тоқаевқа ведомствоның жұмысы туралы баяндады.