Президент «экстремизм» үшін сотталған 29 адамға рақымшылық жасады

Беларусь президенті Александр Лукашенко «экстремистік» қылмысы үшін сотталған 29 адамға рақымшылық жасады, деп хабарлайды Orda.kz.

Президенттің баспасөз қызметінің хабарлауынша, олардың барлығы жасаған әрекеттеріне өкінетінін айтып, кешірім сұраған.

Рақымшылық жасалғандардың ішінде 11 әйел, 18 ер адам, оның ішінде 25 жасқа дейінгі алты адам, үш зейнеткер, екі мүгедек, 15 созылмалы аурумен ауыратындар бар. Беларусь Ішкі істер министрлігінің қызметкерлері бостандыққа шыққандардың заңға бағыну әрекеттерін қадағалайтын болады.

Биыл Беларусьтегі саяси тұтқындарға осымен алтыншы рет рақымшылық жасалды.