Президент Ішкі істер министріне не міндеттеді?

Президент Қасым-Жомарт Тоқаев ішкі істер министрі Ержан Сәденовті қабылдады, деп хабарлайды Orda.kz Ақордаға сілтеме жасап. 

Ержан Сәденов президентке еліміздегі криминогендік ахуал жайында мәлімет берді. Жыл басынан бері қылмыс деңгейінің төмендегенін айтты. Атап айтқанда, қылмыстық құқық бұзушылықтар саны төрт мыңға, соның ішінде қылмыс жеті мыңға азайған.

Қоғамдық орындарда жасалатын және кәмелетке толмаған азаматтардың қатысы бар құқық бұзушылықтар төмендеген, қылмыстың барлық түрін ашу көрсеткіші жақсарған.

Сонымен қатар ол ұйымдасқан, кибер және есірткі қылмыстарына қарсы іс-қимыл, жол қауіпсіздігін қамтамасыз ету, сондай-ақ кадрлық әлеуетті арттыру жөнінде бұған дейін берген тапсырмаларының орындалу барысын баяндады.

Мемлекет басшысы елдегі құқықтық тәртіп пен қоғамдық қауіпсіздік деңгейін одан әрі арттыру бойынша бірқатар міндет жүктеді.