Президент бірқатар өңірлердегі төтенше жағдай режимін алып тастады

Мемлекет басшысы Қасым-Жомарт Тоқаев бірқатар өңірлердегі төтенше жағдай режимін алып тастады, деп хабарлады Ақорда.

Мәтінде былай делінген:

«Төтенше жағдай туралы» Қазақстан Республикасы Заңының 9-бабына сәйкес ҚАУЛЫ ЕТЕМІН:

2022 жылғы 13 қаңтарда сағат 07:00-ден бастап «Батыс Қазақстан облысының шекарасында Қазақстан Республикасы Президентінің 2022 жылғы 5 қаңтардағы № 740 Жарлығымен енгізілген төтенше жағдай режимінің күші жойылсын».

Сондай-ақ, 13 қаңтардан бастап Павлодар және Солтүстік Қазақстан облыстарында төтенше жағдай режимі жойылады.

Жарлық қол қойылған күнінен бастап қолданысқа енді.