Президент Бибісара Ассаубаеваны құттықтады

Мемлекет басшысы Қасым-Жомарт Тоқаев 17 жастағы қазақстандық шахматшы Бибісара Ассаубаеваны блиц бойынша әлем чемпионы атағын жеңіп алуымен құттықтады.

– Бибісара Асаубаеваны блиц бойынша әлем чемпионатындағы тамаша жеңісімен құттықтаймын. Бұл тамаша нәтиже барша қазақстандықтар үшін, әсіресе шахмат жанкүйерлері үшін жаңа жыл қарсаңындағы жақсы жаңалық болды. Бибісараға алдағы уақытта да табыс тілеймін, - деп жазды Мемлекет басшысы Twitter парақшасында.

Асаубаеваның алтын жүлдесі ересектер арасындағы әлем чемпионатында Қазақстан тарихындағы бірінші жүлде болып танылды. Ол сондай-ақ әлемдік шахмат тарихындағы шахматтан ең жас әлем чемпионы.