Президент аппараты төрағасына оқ жаудырды

Өзбекстанда бұрынғы президент әкімшілігінің орынбасары Комил Алламжоновқа жасалған қастандық дауға ұласты. Жергілікті БАҚ-тың мәліметі бойынша, экс-шенеунік бұл оқиғаны өзі қолдан жасауы мүмкін. Тағы бір деректерде оған президенттің күйеу баласы қастық жасады деген болжам бар, деп хабарлайды Orda.kz.

Бас прокуратура бұл жағдайға араласып, ақпарат таратушыларды сақ болуға шақырды.

Бас прокуратура 26 қазанда Алламжоновтың автокөлігі оққа ұшқанын растады. Бірақ өзі де, жүргізушісі де зардап шекпеген. Дегенмен, кейбір өзбек телеграм-арналарындағы дереккөздер экс-шенеуніктің осы қастандықты президенттің күйеу баласы Ойбек Турсунов ұйымдастырды деп хабарлады. Сонымен қатар, желіде Алламжоновтың тапсырысын орындаған екі жас жігіттің бейнежазбасы тарап жатыр. Олар экс-шенеуніктің уәде етілген сыйақысын төлеуден бас тартқанын айтып, билікке өздері берілуге шешім қабылдағанын мәлімдеді.

Бас прокуратура бұл резонансты оқиғаға жауап ретінде БАҚ пен блогерлерді расталмаған ақпаратты таратпауға шақырды.

Еске сала кетсек, 26 қазан күні екі бейтаныс адам президент аппараты төрағасының көлігіне оқ жаудырып, қашып кетті. Зардап шеккендер жоқ.