Президент Амангелді Сейтхановтың отбасына көңіл айтты

Қазақстандық спорт журналистикасының майталманы Амангелді Сейтханов 52 жасында өмірден озды. Қасым-Жомарт Тоқаев белгілі спорт комментаторының отбасы мен жақындарына көңіл айтты.

Бұл туралы Orda.kz хабарлады.

- Белгілі журналист, спорт комментаторы Амангелді Сейітханның дүниеден өтуіне байланысты ауыр қайғыға ортақтасып, көңіл айтамын.

Амангелді Муатқанұлы қазақ спорт журналистикасының дамуына өлшеусіз үлес қосты. Оның есімі ел есінде мәңгі сақталып, қазақ телевизиясының тарихына алтын әріптермен жазыларына сенімдімін», - делінген президенттің жеделхатында.

Журналист коронавирустан көз жұмды.

Айта кетсек, Аманкелді Сейтханов Orda.kz ақпараттық порталына спорт және басқа да тақырыптарға өзінің сүбелі мақалалары мен пікірін ұсынып отыратын тұрақты авторлардың бірі болған.

Редакция оның отбасы мен жақындарының қайғысына ортақтасып, көңіл айтады.