Президент әкімшілігіне Мәсімовтың өтініші жеткізілді

Президент әкімшілігі жалпы істер жөніндегі бөліміне Кәрім Мәсімовтың өтініші келіп түсті.

 Бұл туралы депутат Марат Бәшімов хабарлады.

Ұлттық қауіпсіздік комитетінің бұрынғы төрағасы Кәрім Мәсімов президент Тоқаевтан кешірім сұрап, рақымшылық жасауды өтінді. 

Депутат Марат Бәшімов айтуы бойынша:

«Комиссия сот шешімін өзгертпейді. Азаматқа мемлекет басшысына жүгінуге құқық беріледі. Азаматтар осы құқығын пайдаланады. Конституциялық фигура – тек президент. Бүкіл материал президентке жеткізіледі. Тек сол ғана шешім қабылдайды. Бірақ алдын ала пікір комиссиядан сұралады»,– деді мәжіліс депутаты.