Президент 37 қылмыскерге рақымшылық жасады

Лукашенко тағы 37 адамға рақымшылық жасау туралы жарлыққа қол қойды, деп хабарлады Orda.kz

Ұлттық бірлік күні қарсаңында Беларусь президенті Александр Лукашенко экстремистік қылмыстары үшін сотталған 37 адамға рақымшылық жасау туралы жарлыққа қол қойды.

Рақымшылыққа ілінгендер арасында алты әйел, сондай-ақ созылмалы ауруға шалдыққандар, мүгедектер мен зейнеткерлер бар.

«Олардың барлығы өкініш білдірді және бостандыққа оралып,  заңға бағынатын өмір салтын жүргізу мүмкіндігін сұрады» делінген хабарламада.

Соңғы бірнеше аптада Лукашенко рақымшылық жасау туралы жарлыққа үш рет қол қойды. 16 тамызда Беларусь бойынша әртүрлі түрмелерден 30 саяси тұтқын босатылды, ал 4 қыркүйекте осындай жарлыққа тағы 30 адамға қатысты қол қойды.