Премьер-Министрдің орынбасары негізгі азық-түлік өнімдері қоры бойынша жұмысты күшейтуді тапсырды
Алдағы маусымаралық және қысқы кезеңде тұрақтандыру қорларын қалыптастыру үшін өңірлерде көкөніс жәрмеңкелері өткізіледі.
Алдағы маусымаралық және қысқы кезеңде еліміздің тұрақтандыру қорларын қалыптастыру үшін өңірлерде көкөніс жәрмеңкелері өткізіледі. Астық жинау науқаны кезінде негізгі азық-түлік тауарларының бағасын тұрақтандыру бойынша қабылданған осы және басқа да шаралар Премьер-Министрдің орынбасары Серік Жұманғариннің төрағалығымен өткен апта сайынғы Үкімет отырысында талқыланды, деп хабарлайды primeminister.kz.
Сауда және интеграция министрлігі Сауда комитетінің төрағасы Айдар Әбілдабеков мәлім еткендей, 14 қыркүйекте Жамбыл облысында пияз жәрмеңкесі өтеді деп жоспарланған. Шараға барлық аймақтар мен ірі сауда желілері шақырылады.
«Пияздың бағасы төмен болғанымен, өңірлер белсенді түрде атсалысып, қажетті көлемде келісім-шарт жасауы керек», - деді Әбілдабеков.
Ол сонымен қатар өндірушіден бөлшек сауда сөрелеріне дейін электронды шот-фактуралар (ЭСФ) арқылы баға тізбегін талдау жұмысы туралы айтты.
«Жыл басынан бері 814 тізбекке талдау жүргізіліп, 146 факті бойынша сауда бағасынан асып кету тәуекелдері анықталды. Кейбір өңірлерде бірінші санаттағы жұмыртқа бағасының қалыптан тыс өсуі тіркелді. Біз бес өндіруші бойынша ЭШФ егжей-тегжейлі талдауын жүргіздік, құс фабрикасынан және басқа көтерме саудадан жұмыртқа сатып алған, кейін оларды жеке және заңды тұлғаларға сататын көтерме сатушы «Воробьев А.А.» ЖШС-нің тауар таңбасын бұзғанын анықтадық. Сауда үстемесі 35%-дан 131%-ға дейін қолданылған. Тағы бір көтерме саудагер «DOSAUTO KZ» ЖШС жұмыртқаны өндіруші «Adel Kus» ЖШС-нен сатып алып, жеке тұлғаларға 71 пайыз сауда үстемемен сатқан», - деді комитет басшысы.
Біз күріш бағасы жағдайын да бөлек қарастырдық. Өткен аптада бағасының 0,1%-ға төмендеуінің жалпы динамикасы бол тұра күріш құны 1,1%-ға өсті. Ауыл шаруашылығы вице-министрі Ербол Тасжүрековтің айтуынша, биыл маусым айында Қызылордада өткен күріш жәрмеңкесіне қарамастан, тек төрт облыс (Ақмола, Қостанай, Түркістан облыстары және Шымкент қаласы) осы дәнді дақыл қорын оның қажеттілігінен толық көлемде келісімшартқа қойған.
Сондай-ақ жиында республикадағы көкөніс сақтау қоймаларының статистикасын және елді көкөніспен қамтамасыз ету жағдайын талдауды сапалы жақсартуға мүмкіндік беретін жеке көкөніс сақтау қоймаларының есебіне қатысты жағдай да талқыланды.
Жиын қорытындысы бойынша Серік Жұманғарин көкөніс сақтайтын барлық қоймаларды есепке алу жұмыстарын жүргізуді, ал өңірлерге бағаның тұрақтылығын қамтамасыз ету үшін негізгі азық-түлік өнімдерінің қажетті қорын қалыптастыруды күшейтуді тапсырды.
Жаңалықтар
- Шымкентте ірі есірткі зертханасы анықталды
- 2025 жылдың 1 қаңтарында кімдердің зейнетақысы өседі?
- Қарағанды облысында 7 мыңнан астам сайттар бұғатталды
- «87 мың теңге»: Қазақстандықтар Республика күніне орай біржолғы төлемдер алады
- P. Diddy-дің балалары сот алдында әкесін қорғады
- Шымкентте ұрылар үй иесінің көзінше қылмыс жасады
- «Қаза болғандар бар»: Өлімге әкелетін улы бактериялар тарап жатыр
- Атырауда 23 жастағы бойжеткен қаза болды
- Тәліптердің Алматыға неге қару әкелгенін премьер-министрдің орынбасары айтып берді
- Петропавлда әйелін ұрған ер адам сотталды
- Қазақстанның бірнеше өңірі уақытты екі сағатқа алға жылжытуды ұсынып отыр
- Заңсыз қарумен қоқан-лоққы жасаған депутат ұсталды
- «Әділдік үшін күрес»: Анасы өзін қорғап, ұлын құтқарғаны үшін сегіз жылға сотталды
- ШҚО-дағы ең ұзын көпірге қанша камера орнатылған?
- Шымкентте есепші жымқырған ақшаны мұғалімдер қайтаруға мәжбүр
- Жүздеген қазақстандықтарды кім ақшасыз қалдырды және неге бұл үшін ешкім жазаланбайды
- Ресейдің Қазақстанға шектеу қойғанында тұрған ештеңе жоқ — вице-премьер Серік Жұманғарин
- Қанды Қаңтарда істі болған Тотыбаев Талғар маңындағы жасөспірім өліміне қандай қатысы бар?
- Талғардағы қашып кеткен қылмыскердің өз жиенін зорлағаны белгілі болды
- Қазақстанның астық экспорты 12 млн тоннаға ұлғайды