Премьер-министрдің сағаты туралы ресми түсініктеме берілді

Күні кеше Қазақстан Республикасы Премьер-министрі Әлихан Смайыловтың сағаты туралы Kozachkov offside телеграм-арнасы ақпарат жариялады. Онда сағаттың құны 5 не 8 мың долллар шамасында екені айтылған.

Бүгін ҚР Премьер-Министрінің Кеңсесі басшысының орынбасары қызметіне жақында ғана келген Руслан Желдібай Әлихан Асханұлының сағатына қатысты ресми түсініктеме берді.

«Кеше Telegram-каналдардың бірінде Әлихан Асқанұлы бағасы $5,000-8,000 аралығында тұратын Cartie Tank сағатын тағады деп жазыпты.

Шынтуайтына келгенде, Премьер-Министрдің фотодағы сағатының моделі Jacques Lemans, бағасы шамамен $383 тұрады.

Сөзім дәлелді болу үшін фотоларды да жүктеп отырмын», - деп жазды ол өз парақшасында.