Премьер-министр Түркістанның дамуын тексеріп келді

Премьер-министр Асқар Мамин Түркістан қаласының инфрақұрылым нысандары құрылыс барысын тексеру үшін іссапармен барған.

Асқар Мамин:

• «Керуен-сарай» көпфункционалды туристік кешенінде;
• 570 орынға салынған көпбейінді ауруханасында;
• Қазақ драма театрында;
• Облыстық ғылыми-әмбебап кітапханасында;
• Тұңғыш Президент саябағында;
• Дендропарк пен ботаникалық бақта жүргізіліп жатқан  жұмыстармен танысты. Бұл туралы primeminister.kz хабарлады.

Сонымен қатар, Үкімет басшысының қатысуымен Түркістан әкімдігі, «Artel Electronics» өзбек компаниясы және «Orbis Kazakhstan» ЖШС арасында ынтымақтастық туралы келісімге қол қойды.

Келісім бойынша өңірде ас үй плиталары мен электр су жылытқыштарын шығаратын зауыт салынуы керек. Ол жылына 1 млн бірлік техника шығарады. Зауытқа 36 млрд теңге қаржы бөліну жоспарлануда. Кәсіпорын болашақта 2100 адамды жұмыспен қамтиды.

Айта кетсек, 2020 жылы Түркістанға алдағы жылмен салыстырмалы түрде 3,8 есеге көп - 367,6 млрд теңге қаржы бөлінген.