Премьер-министр пойыздардың кешігуіне наразы

Үкімет отырысында Премьер-Министр Олжас Бектенов «Қазақстан темір жолы» басшысына елімізде пойыздардың кешігуіне байланысты жұрттың шағымы жиілеп кеткенін айтты, деп хабарлайды Orda.kz.

Отырыста теміржол көлігін дамыту мәселесін талқыланды. Үкімет басшысы ҚТЖ басшысына соңғы кездері тұрғындардан пойыздардың кешігуіне қатысты шағымдардың көбейгенін айтып, ҚТЖ қандай шаралар қолданып жатқанын сұрады.

«Біздің компанияда бұл мәселе басты назарда. Негізінен мәселе жол жөндеу жұмыстарына және жолаушылардың қауіпсіздігін арттыруға байланысты болып тұр. Біз тұтынушылардан кешірім сұрап, жағдайға түсіністікпен қарауды сұраймыз », - деп жауап берді ҚТЖ Басқарма төрағасы Нұрлан Сауранбаев. 

Көлік министрлігінің басшысы Марат Қарабаев өткен жылы 118 жаңа көлік, биыл 143 көлік алынғанын айтты. Келесі жылы 226 автокөлік сатып алу жоспарда бар. Жоспар бойынша жалпы, 2029 жылға дейін шамамен 1200 жеңіл автокөлік сатып алынады.