Премьер-министрдің орынбасары шенеуніктерді жазалауға шақырды

19 қазан күні өткен үкімет отырысында вице-премьер Ералы Тоғжанов халықты вакциналау үшін өңір басшыларының жеке жауапкершілігін еске салды. Ол әкімдердің орынбасарларын жазалауды ұсынды.

Бұл туралы Orda.kz хабарлады.

Ералы Тоғжановтың айтуынша, ведомства аралық комиссия (ВАК) отырыстарында өңірлерге вакциналау қарқынын жеделдету туралы бірнеше рет тапсырмалар берілді. Бірақ тиісті дәрежеде орындалмады.

– Осыған байланысты өңірлердің әкімдеріне КВИ тәжірибесін ескере отырып, вакциналауды ұйымдастыру жөнінде түбегейлі шаралар қабылдауды тапсырған дұрыс деп санаймыз. Вакциналау жоспарын орындамаған әкімдік басшылығын атап өту керек.

Бұдан кейін оң динамика болмаған жағдайда әкімдердің осы бағыт бойынша жетекшілік ететін орынбасарларына тәртіптік сипаттағы шаралар қабылдау орынды, – деді ол.