Португалияда мыңдаған адам өмір сүру жағдайына наразылық білдірді

Елдегі жоғары инфляция халық күнкөрісінің нашарлап, өмір сүру жағдайы шамадан тыс қымбатшылыққа ұшыраған, салдары ашынған халықтың көшеге шығуына әкелді.  

Лиссабон көшелеріне мыңдаған адам өмір сүру жағдайын жақсартуды және азық-түлік бағасын төмендетуді талап етті. Рейтер агенттігі Португалияны Батыс Еуропадағы ең кедей елдердің бірі деп жазады. Үкімет мәліметтері бойынша өткен жылы жұмысшылардың 50%-дан астамы айына 1000 еуродан (475 000 теңге)  табыс тапқан. Ай сайынғы ең төменгі жалақы – 760 еуро (шамамен 360 мың теңге). Бұл еуропа елдері үшін жеткіліксіз.

Сонымен бірге португалдықтар 2022 жылы тұрғын үй бағасы 18,7 пайызға өсіп, жалдау ақысы көтерілгеніне шағымданады. Ал Португалиядағы 8,3% инфляция мәселені одан әрі ушықтырады.

«Әділ өмір» қозғалысы ұйымдастырған наразылық шарасында 26 жастағы бағдарламашы Витор Дэвид  Лиссабонға оралғысы келетінін, бірақ оның туған елі өмір сүру  үшін тым қымбат болғандықтан, одан алыс тұруға мәжбүр екенін айтты. Ресми мәліметтерге сәйкес, португалдықтардың шамамен 20% шетелде тұрады.

— Біз өз дауысымызды жеткізу үшін осында жиналдық, - деді Хосе Рейс, ол жақында университет бітірген, бірақ әлі жұмыссыз.

Лиссабонның кедей бөлігінде тұратын адамдар құрған «Әділ өмір» қозғалысы инфляцияның өсуінен кейін ең осал топтар жалғасып жатқан азық-түлік пен коммуналдық шығындар дағдарысынан қатты зардап шекті деп санайды.

Адамдар жалақыны көтеруді, ең қажетті тауарлардың бағасын шектеуді және үкіметтің тұрғын үйге қатысты шараларын талап етуде.