Португалияда Украина азаматын соққыға жыққан шекарашыларға үкім шықты

Португалияның үш шекарашысы әуежайдың оқшаулау бөлмесінде соққыдан қайтыс болған украиналық Игорь Гоменюкке ауыр дене жарақатын салғаны үшін 7 жылдан 9 жылға дейін бас бостандығынан айрылды.

Бұл туралы Orda.kz ВВС-ге сілтеме жасап хабарлады.

40 жастағы украиналық Игорь Гоменюк Лиссабон әуежайында 2020 жылы наурызда ұсталды. Ер адамда жұмыс визасы болмаған және ол Украинаға барудан бас тартқан. Тергеу қорытындысына сәйкес, оқшаулау бөлмесінде Португалия шекарашылары ұсталған украиндықты соққыға жыққан. Екі күннен кейін Гоменюк қабырға сынығынан тұншығып қалды.

Үш шекара қызметкері денсаулығына ауыр зиян келтіргені үшін жеті жылдан тоғыз жылға дейінгі мерзімге сотталды. Жәбірленушінің қайтыс болуына байланысты мерзімдері ұлғайды. Алайда, олар кісі өлтіру бабы бойынша кінәлі деп танылмады. Прокурорлар бұл айыптауларды сот процесі кезінде алып тастады, өйткені сот Гоменюктің өліміне соққы себеп болғанын дәлелдей алмады.

Гоменюктің қайтыс болуы Португалияда кең алаңдаушылық тудырды. Шекара қызметінің басшысы Криштина Гатоинс отставкаға кетті, ал үкімет шекара қызметін таратып, оның орнына жаңа - Шетелдіктермен және пана іздеушілермен жұмыс қызметі құрылды деп жариялады. Португалия премьер-министрі Антонио Коста украиналықты өлтіру жағдайы кешірімсіз деп атады.

Гоменюктің отбасына 850 000 доллар өтемақы төленді.

Сотталушылардың адвокаттары апелляциялық шағым түсіретіндерін айтты.