Польшаның премьер-министрі үкіметімен бірге отставкаға кетті

Польша премьер-министрі парламенттік сайлаудан кейін министрлерімен бірге отставкаға кетті.

Польша премьер-министрі Матеуш Моравецки парламенттік сайлаудан кейін бүкіл министрлер кабинетімен бірге отставкаға кетті.

Моравецки жаңа Сеймнің (парламент) бірінші отырысында отставкаға кету туралы өтініш берді. Ол Польша Конституциясына сәйкес мұны істеуге мәжбүр еді.

Польша президенті кеңсесінің статс-хатшысы Малгорзата Папроцка Анджей Дуда Моравецкиге жаңа үкіметті жасақтауды тапсыратынын айтты. Ол үшін 14 күн бар. Бұл кезеңде Моравецки үкіметтің жұмыс бағдарламасын Сеймге ұсынып, сенім вотумын алуы керек.