Польша мен Беларусь шекарасына мыңдаған мигранттар жиналды

Польша Беларусь шекарасына әскерлер келіп жатыр. Олар қарусыз адамдардан қорғанбақ. Таяу Шығыстан келген мыңдаған босқын Польша шекарасын кесіп өтпекші. Ал тікенек сым мен көзден жас ағызатын газды бұзғандар ұсталып, жер аударылады.

Беларусь-Польша шекарасы Гродно облысындағы Брузги бақылау-өткізу бекетінің маңында. Таңертең Белоруссияда уақытша жүрген заңсыз мигранттар осында келген. Жүктері мен балалары бар қалың топ Беларусьтің Польша бағытындағы федералдық тас жолдарының бірінде қозғалысты уақытша тоқтатты. Ресми шекара бекетіне адамдарды кіргізбеді. Олар енді орман ішін мекендеуге мәжбүр.

Мигранттардың кейбірі қоршаудағы тесік арқылы Польшаға өтіп үлгерген. Көші-қон дағдарысына байланысты Польшаның бірнеше шекаралас аймақтарында әлдеқашан төтенше жағдай жарияланғанымен, бүгінде поляктар босқындарға қарсы әске шығарды.

– Оқиға орнында Шекара қызметінің қосымша патрульдері бар, сонымен қатар полиция қызметкерлерінің үлкен тобы қосылды. Бүгін де шекараға антитеррорлық бөлімшелер мен тұрақты армияның сарбаздары жөнелтілді. Қазір онда 12 мың сарбаз бар, - деді Ішкі істер министрінің орынбасары Мацей Васик.

Беларусь ақпарат құралдарының хабарлауынша, қазірдің өзінде Польша шекарасына үш мыңға жуық босқын келген. Мигранттар дәл осы жерде шатыр тігіп, от жағып жатыр.

– Біз Беларусьтен түсініктеме талап етеміз. Сонымен қатар, біз Еуропалық Одақ пен Солтүстік Атлантикалық альянстағы серіктестерімізді осы оқиғалардың барлығы туралы хабардар етеміз. Өйткені бірлескен және біртұтас жауап қана Лукашенко мен оны қолдайтын Путиннің режимін тоқтата алады, - деді Польша Сыртқы істер министрінің орынбасары Петр Вавжик.